Setti inn uppskrift af banana og gulrótarköku hérna vinstra megin á síðuna, hún er rosalega góð.

Eins og þið sjáið er ég ekki alveg hætt að blogga ;-)

Ég hef verið í vigtarpásu í sumar. Ég er þó ennþá í DDV og hef verið að léttast þótt það sé ekki nema 100 grömm á viku eða svo. Fljótlega ætla ég að mæta aftur í vigtun til að útskrifast ;-)

Ég held að ég eigi bara eftir 2-3 kíló - allavega samkvæmt minni vigt.

Á þessu ári hef ég aldrei svindlað t.d. með því að borða sælgæti, sykraðar kökur eða drukkið vín. Hins vegar hef ég aldrei borðað lifur og ekki verið nógu dugleg að drekka allt það vatn sem mér ber. Einstaka sinnum hef ég líka aðeins slumpað í vigtinni t.d. ekki nennt að vigta brauðsneiðarnar eða kjötið. Það hefur að sjálfsögðu skilað sér í minni léttingi. En ég er ekkert ósátt með það því ég lít á DDV sem lífsstíl en ekki afneitun og mér finnst mjög gaman að finna nýjar og góðar uppskriftir, breyta þeim og bæta svo í DDV uppskriftasafnið mitt. Mér er eiginlega sama hvort ég kemst í kjörþyngd í ágúst eða september.

Ég veit nú ekki hvort ég ætla að fara að blogga á ný, datt eiginlega bara hérna inn því ég var að setja inn uppskriftina að bananakökunni minni.

Það væri nú samt gaman að fá viðbrögð - hvort einhverjir rekast hingað inn. Mér finnst talningin efst í hægra horninu hjá blog central allavega mjög furðuleg og trúi því eiginlega ekki að svona margir heimsæki eða rekist inn á þessa síðu. Ef þú nenntir að lesa hingað, vinsamlega kvittaðu fyrir komu þína